बस प्रवासात एका महिलेचे दोन लाखांचे दागिने चोरीला ; अज्ञात चोरट्याविरुद्ध पोलिसांत गुन्हा दाखल

निगडी ( प्रतिनिधी) बस प्रवास करत असताना सिटाखाली ठेवलेल्या बागेतून महिलेचे 2 लाख रुपयांचे दागिने चोरीला गेले आहेत. ही घटना मंगळवारी (दि.14) मलकापूर ते वल्लभनगर पिंपरी, एसटी बस मध्ये घडली आहे.

   

याप्रकरणी महिलांनी पिंपरी पोलीस ठाण्यात फिर्याद दिली आहे. फिर्यादीवरून पिंपरी पोलिसांनी अज्ञात चोरट्याविरुद्ध गुन्हा दाखल केला आहे.

   

पोलिसांनी दिलेल्या माहितीनुसार,फिर्यादी व त्यांचे पती हे मलकापूर ते वल्लभनगर पिंपरी असा एसटी बस प्रवास करत होते. यावेळी त्यांनी त्यांची बॅग हे त्यांच्या सीट खाली ठेवली होती. यावेळी कशाच्या तरी साहाय्याने बॅग कापून बॅगमधील 2 लाख 5 हजार रुपये किमतीचे सोन्याचे दागिने चोरांनी चोरले.

   

पिंपरी येथे उतरल्यानंतर ही बाब लक्षात येताच फिर्यादीने पिंपरी पोलीस ठाण्यात या प्रकरणी तक्रार दाखल केली आहे. पिंपरी पोलीस चोराचा शोध घेत आहेत.