निगडी (प्रतिनिधी): पिंपरी-चिंचवड महानगर पालिकेकडील पाणीपुरवठा विभागाच्या से.क्र. 23 निगडी येथील जलशुध्दीकरण केंद्रातील पाणीपुरवठा विषयक नियमित देखभाल दुरुस्तीची आवश्यक कामे करणे व शहरातील वितरण व्यवस्थेमधील विविध ठिकाणी देखभाल दुरुस्तीची कामे अशा वेगवेगळ्या कामामुळे गुरुवार दि. (30 मे)रोजी शहराचा सकाळचा पाणीपुरवठा नियमीत वेळेनुसार होणार असून संध्याकाळचा पाणीपुरवठा बंद राहणार आहे.
दुरुस्तीच्या कामासाठी सर्व पाणीपुरवठ्याची यंत्रणा बंद ठेवलेमुळे शहरातील सर्व भागात दुस-या दिवशी म्हणजेच शुक्रवार (दि.31) रोजी होणारा सकाळचा पाणीपुरवठा अनियमीत व कमी दाबाने होईल. तरी नागरिकांनी मनपाकडील उपलब्ध पाण्याचा पुरेसा साठा करुन काटकसरीने पाणी वापर करून पिंपरी-चिंचवड महानगरपालिकेला सहकार्य करावे, असे आवाहन करण्यात आले आहे.
